08/03/2026
(Location: Pier 3 Passenger Terminal. Si Kulas nagkinto sa counter, naggunit og kumot-kumot nga tag-P500.)
Kulas: Miss, usa ka ticket pa-Hilongos. Kanang SeaCat ha, kay nindot ang aircon, mura tag gi-freeze sa freezer sa Magnolia.
Agent: (Type-type sa computer) Sir, Cebu to Hilongos? P1,100 na atong Tourist, sir.
Kulas: (Nidako ang mata, hapit matuk-an) Ha?! P1,100? Unsa na, Miss? Barko o Space Shuttle? Last week P800 ra man to! Ngano man, ang SeaCat karon molupad na?
Agent: Sir, pasayloa gyud mi. Tungod man gud ni sa tension sa Middle East. Nagmahal ang krudo didto, apektado ang tibuok kalibutan.
Kulas: Middle East?! Layoa ra ana uy! Ang dagan sa SeaCat gikan man sa Cebu padulong Hilongos, wala man na niagi sa Iran o Israel! Nganong kami may pabayron sa ilang gubot didto? Unsa man, ang makina sa SeaCat, Hummus na ang gamit nga fuel?
Inday: (Nisingit, nag-shades bisan sulod sa terminal) Oh my G, Kulas! Ayaw na'g reklamo. Global crisis na siya. Ang krudo didto, mura na’g presyo sa mahalon nga perfume.
Kulas: Day, dili man ko mo-reklamo kung naay free buffet o massage chair sa sulod! Sa kani nga presyo, dapat ang kapitan mismo ang mo-fan nako samtang naglayag mi. P1,100? Mura na man ko’g namalit og ligid sa eroplano ani!
Agent: Sir, pati gani ang maintenance sa aircon ug ang "free" nga movie, apektado na sa inflation.
Kulas: Movie? Mao ra gihapon nang salidaa? Kadtong Fast & Furious 1 nga garas-garas na ang video? Miss, sa kani nga pletehan, dapat ang Avatar 3 ang ipasalida ninyo—live action, kami ang cast!
Inday: Chill lang, Kulas. Think of it this way: At least sa SeaCat, paspas ka moabot.
Kulas: Paspas lagi moabot, Day, pero ang pitaka nako, paspas sab kaayo nahurot! (Gitan-aw ang iyang P50) Miss, wala moy "Backpacker Special"? Kanang sa gawas lang ko maglingkod, gakos sa life jacket, unya mag-tindak ko para makatabang sa makina?
Agent: (Nipahiyom) Wala raba, sir. Pero naa tay promo, sir. Buy 20 tickets, free 1... "Thank You" card gikan sa tag-iya.
Kulas: (Nihunghong) Sa Middle East ang gubot, pero sa akong pitaka ang World War 3. Sige na lang, Miss. Dawata ni akong kwarta. Pero hangyo lang, ayaw na ninyo ipasalida tong barko nga nalunod ha? Mas sakit pa na sa pletehan!
😁
[SCENE END]
