16/04/2026
Арвайхээр хотод Юбикаб жолоочдын өдөрлөг амжилттай зохион байгуулагдлаа.
Юбикаб ХХК нь 2026 онд Монгол Улсын 21 аймагт үйлчилгээний цогц системээ нэвтрүүлэх стратегийн зорилгын хүрээнд орон нутаг дахь үйл ажиллагаагаа үе шаттайгаар өргөжүүлж байна. Энэ ажлын хүрээнд баруун бүсийн аймгуудад хэрэгжүүлж буй үйл ажиллагаагаа эрчимжүүлэх, үйлчилгээний чанар, стандартыг сайжруулах, жолооч нарт чиглэсэн мэдээлэл, шинэ боломжуудыг хүргэх зорилгоор Арвайхээр хотод жолоочдын өдөрлөгийг амжилттай зохион байгууллаа.
Арвайхээр хотын Юбикаб жолооч багт компанийн үйл ажиллагааны бодит үр дүн, цаашдын хөгжлийн чиглэлийг танилцуулж, 2025 оны үйл ажиллагааны тайлан, 2026 оны төлөвлөгөөг дэлгэрэнгүй хүргэв. Мөн үйлчилгээний чанарыг нэг түвшинд хадгалах зорилгоор авто угаалгатай болох, жолооч болон тээврийн хэрэгсэлд тавигдах стандартын шаардлагуудыг танилцуулж, дуудлагын жолооч болон хот доторх шуурхай хүргэлтийн үйл ажиллагааны талаар мэдээлэл өглөө.
Энэхүү өдөрлөг нь жолооч нарт шаардлагатай мэдээ, мэдээллийг нэг дор хүргэхээс гадна хамтын ажиллагааг бэхжүүлэх, үйлчилгээний чанар, стандартыг сайжруулахад чухал ач холбогдолтой арга хэмжээ боллоо. Цаашид Юбикаб ХХК нь орон нутаг дахь үйл ажиллагаагаа улам өргөжүүлж, жолооч нарт илүү тогтвортой, үр өгөөжтэй ажиллах орчныг бүрдүүлэхэд анхааран ажиллах болно.
Дашрамд дурдахад Юбикаб Өвөрхангай салбар нь ашигтай нөхцөлөөр хамтран ажиллах авто угаалгын газар хайж байна. Дараах сувгаар болон чат хэсгээр холбогдон дэлгэрэнгүй мэдээлэл авна уу.
Холбогдох дугаар: 99056200
Мэйл хаяг: [email protected]
