05/12/2023
ကုမ္ပဏီ၏ ကျန်းမာရေး၊ ဘေးအန္တရာယ်ကင်းရှင်းရေး၊ လုံခြုံရေး၊ သဘာဝပါတ်ဝန်ကျင်ထိန်းသိမ်းရေး၊ ထုတ်လုပ်မှုအရည်အသွေးဆိုင်ရာ ပေါ်လစီဖော်ပြချက်
=====
ဝန်ထမ်းများ၏ ကျန်းမာရေး၊ ဘေးအန္တရာယ်ကင်းရှင်းရေးနှင့် လုံခြုံရေး၊ သဘာဝပါတ်ဝန်းကျင် ထိန်းသိမ်းရေး၊ ဝန်ဆောင်မှုနှင့် ကုန်ထုတ်လုပ်မှု အရည်အသွေးမြင့်မားရေးနှင့် နိုင်ငံတော်မှသတ်မှတ်ထားသော လုပ်ငန်းခွင် ဘေးအန္တရယ် ကင်းရှင်းရေး၊ သဘာဝပတ်ဝန်းကျင် ထိန်းသိမ်းရေးနှင့် လုပ်ငန်းအရည်အသွေး သတ်မှတ်ချက်များ နှင့် ကိုက်ညီမှုရှိစေရန် ကုမ္ပဏီနှင့် ကုမ္ပဏီ၏ လုပ်ငန်းခွဲအားလုံး၌ ဤပေါ်လစီကို ကျင့်သုံးရန် ဖြစ်သည်။
ဖော်ပြပါ လုပ်ငန်းကျင့်ဝတ်နှင့် ဓလေ့ကိုရရှိစေရန် ကျန်းမာရေး၊ ဘေးကင်းရေး၊ လုံခြုံရေး၊ သဘာဝ ပါတ်ဝန်းကျင် ထိန်းသိမ်းရေးနှင့် အရည်အသွေးဆိုင်ရာ စီမံခန့်ခွဲမှုစနစ်ကို အသုံးပြုပါမည်။ ၎င်းစနစ်တွင် အောက်ပါ အချက်အလတ်များပါဝင်သည်။
• ဝန်ထမ်းများ၏ ကျန်းမာရေးနှင့် ဘေးအန္တရာယ် ကင်းရှင်းရေး၊ သဘာဝပတ်ဝန်းကျင် ထိန်းသိမ်း ရေးနှင့် အရည်အသွေး ကောင်းမွန်သော ထုတ်ကုန် (သို့) ဝန်ဆောင်မှုများ ထုတ်လုပ်ရေးများ သေချာမှု ရှိစေရန် မိမိကိုယ်တိုင်ပါဝင်မှုအပြင် အားစိုက်ဦးဆောင်မှုများ ပြုလုပ် သွားမည်။
• ထိရောက်စွာ ပေါင်းစပ်ထားသော စီမံခန့်ခွဲမှု နည်းစနစ်တစ်ရပ်ကို အသုံးပြုခြင်းဖြင့် အရည်အသွေး နှင့် ဘေးအန္တရာယ်ကင်းရှင်းရေးဆိုင်ရာ ဦးတည်ချက်များ၊ တိုင်းထွာမှုများ၊ စစ်ဆေးမှု များ ပြုလုပ်ပြီး လုပ်ငန်းစဉ်၊ ဝန်ဆောင်မှုနှင့် ထုတ်လုပ်မှုအရည်သွေးများကို တိုးတက် ကောင်းမွန်အောင် ပြုလုပ်သွားမည်။
• ဝန်ထမ်းများအပါအဝင် ပြင်ပမှငှားယူထားသော ကန်ထရိုက်လုပ်ကိုင်သူများသည် မိမိအတွက် ဘေးအန္တရာယ်ရှိစေမည့်အခြေအနေ၊ အကြောင်းအရာတစ်ခုခုရှိနေပါက ဆက်လက်လုပ်ဆောင်ရန် ငြင်းဆိုခွင့်ရှိစေမည့် လုပ်ပိုင်ခွင့်နှင့် အခြားလိုအပ်သော ထောက်ပံ့မှုများပေးမည်။
• ကျန်းမာရေး၊ ဘေးအန္တရာယ်ကင်းရှင်းရေး၊ လုံခြုံရေး၊ သဘာဝပါတ်ဝန်ကျင်ထိန်းသိမ်းရေး၊ ထုတ်လုပ်မှု အရည်အသွေးဆိုင်ရာ အားနည်းချက်များ၊ အတားအဆီးများ၊ ပေါ့လျော့မှုများနှင့် အရေးပေါ် ကိစ္စရပ်များအား ကာကွယ်နိုင်ရန် သတိဝိရိယရှိစေခြင်းနှင့် ကြိုတင်ပြင်ဆင်မှုများ အမြဲရှိနေစေမည်။
• ဝယ်သူများ၏ လိုအပ်ချက်များ ပြည့်စုံမှုရှိစေရန်နှင့် ဝယ်သူများစိတ်ကျေနပ်မှု အမြဲရှိစေရန်အတွက် လိုအပ်သော စည်းမျဉ်းစည်းကမ်းများ၊ စံချိန်စံညွှန်းများကို ထိန်းသိမ်းဆောင်ရွက်သွားမည်။
• မိမိတို့တည်ရှိနေသော အိမ်နီးချင်း ပါတ်ဝန်းကျင်အား အကျိူးဖြစ်ထွန်းစေရန်အတွက် သဘာဝပါတ်ဝန်းကျင် ထိန်းသိမ်းမှုများ၊ လူမှုရေးတာဝန်များ၊ အကျိူးတူစီးပွားရေး ဖြစ်ထွန်းမှုများရှိစေမည်။
• ဖော်ပြပါအချက်များ အားလုံးသည် လုပ်ငန်းလုပ်ဆောင်ခြင်းဆိုင်ရာ မူဝါဒများ၊ လုပ်ငန်းစဉ်များနှင့် သဘောတူညီမှု စာချူပ်များ၏ အခြေခံနိယာမဖြစ်စေရမည်။ ဤပေါ်လစီသည်လည်း ကုမ္ပဏီနှင့် ကုမ္ပဏီ၏ လုပ်ငန်းခွဲ အားလုံးအပါအဝင် အပြင်မှငှားယူသုံးစွဲသော ဝန်ဆောင်မှုလုပ်ငန်းများအားလုံအတွက် အကျူံးဝင်စေရမည်။
မန်နေဂျင်းဒါရိုက်တာ
