Bhagyashree Transport Sangli

19/03/2026

16/03/2026

जे बापाला ४७ वर्षांत जमलं नाही, ते पोराने अवघ्या १९ व्या वर्षी करून दाखवलं! आज प्रभू शेळकेच्या वडिलांच्या डोळ्यातील अश्रू त्याच्या कष्टाची आणि यशाची साक्ष देत आहेत. प्रभू शेळकेचे वडील अत्यंत भावूक होऊन सांगत होते की, ज्या मुलाला नीट चालता येत नाही, ज्याला दर महिन्याला रक्त भरावं लागतं, आज त्याच मुलाने संपूर्ण महाराष्ट्रात आपलं नाव गाजवलं आहे. आयुष्यात कधी एअरपोर्टचं तोंड न पाहिलेले वडील आज केवळ प्रभूमुळे दिल्लीपर्यंत प्रवास करून आले आहेत.

​प्रभूच्या वडिलांनी सांगितलं की, सुरुवातीला त्यांना या 'सोशल मीडिया' आणि 'फॉलोअर्स'बद्दल काहीच माहिती नव्हतं. प्रभू चोरून-लपून थोडे थोडे पैसे साठवून मोबाईल घ्यायचा आणि शेतात मजुरी करताना व्हिडिओ बनवायचा. वडील कामावरून परतले की प्रभू त्यांचा मोबाईल घेऊन तासन् तास त्यात काहीतरी करत असायचा. तेव्हा वडील म्हणायचे, "अरे तुला काय जमणार आहे? तू काय करणार आहेस?" पण आज त्याच मुलाने आपल्या जिद्दीच्या जोरावर ३० लाखांहून अधिक लोकांचे प्रेम मिळवून वडिलांना खऱ्या अर्थाने 'प्रभू'चा बाप म्हणून ओळख मिळवून दिली आहे.

​मुलाच्या करिअरसाठी आणि त्याला आधार देण्यासाठी वडिलांनी आपली गेल्या अनेक वर्षांची नोकरीही सोडून दिली आहे. ते म्हणतात की, त्यांना स्वतःसाठी काहीही नकोय, फक्त प्रभूच्या आजारावर (थॅलेसेमिया मेजर) योग्य उपचार व्हावेत आणि तो ठणठणीत बरा व्हावा, हेच त्यांचं एकमेव स्वप्न आहे. आपल्या मुलाने बिग बॉसच्या घरात जाऊन ट्रॉफी जिंकावी आणि संपूर्ण गावाने त्याचं जंगी स्वागत करावं, अशी इच्छा त्यांनी यावेळी बोलून दाखवली. एका बापासाठी यापेक्षा मोठा अभिमान दुसरा काय असू शकतो!

​