31/08/2023
مفيش حاجة على وجه الكرة الأرضية أهم من الصلاة .. مفيش سبب مُقنع ميخلكش تقف قدام ربنا 5 مرات يوميًا ، مهما كنت مشغول قد ايه ، مهما كانت مسؤولياتك ، مهما كنت عامل ازاي في دراستك أو شغلك. الخ"
مفيش حاجة هتبقي أهم من الصلاة لإن البركة كلها بتبدأ من بداية الصلاه .. مفيش حاجة اسمها اصلي مشغول ، ورايا ميعاد مهم ، عندي شغل كتير .. كل الحاجات دي يؤسفني إني اقولك انها حِجج فارغة لان اللي عايز يصلي هيصلي حتى لو هو موجود فين وفي اي مكان فهو طالما نيته هي الصلاة فهو هيصلي .. أول حاجة هتتسال عليها هي الصلاة " الصلاة عماد الدين " فكر كدة هتقول لـ ربنا ايه ؟ فكر كدة وهو بيسألك ضيعت الفرض ده ليه ؟ وانت واقف مش عارف الاجابة ، الموضوع خطير بس احنا في غفلة للاسف واخدانا ، متاهات الحياة واخدانا بزيادة اوي .. دا العهد بينا وبين الكفا-ر هو الصلاة ! قال ﷺ: "العهد الذي بيننا وبينهم الصلاة، فمن تركها فقد كفر ".
لو بتلاقي نفسك عادي وقت الاذان ومفيش شعرة فيك بتتهز وبتسمع الآذان وبرضه مستمر في ضياع الفروض فا انت لازم تراجع نفسك .. فكر في يوم القيامة وانت بتتسأل وبيتقالك ضيعت الفرض كذا الساعة كذا عشان كنت بتعمل كذا .. هل في حاجة فى الدنيا دي اهم من الوقوف قدام ربنا ؟ والله أبدًا .. الدنيا دي بكل ما فيها لا تساوي جناح بعوضة عند ربنا .. مصعبها على نفسك ليه ؟ ده حتى ربنا مسهلها لينا وشارح كل حاجة في القرآن .. ولو انت مسافر تعمل ايه .. ولو في مكان مفيش في مياه وعايز تتوضي تعمل ايه .. الحياة سهله وبسيطة والله .. سيبك من الحياة ومتاهاتها وفكر في آخرتك شوية .. أبدأ صلي قبل فوات الاوان ، قرب من ربنا قبل ما ربنا يأذن بقبض روحك .. قربله وهتلاقيه مستنيك وبيعينك بس خد المحاولة وعافر عشان الجنة.
