01/09/2026
بنتين.... بنات عم..... ساكنين فى بيت واحد ، فى الثانويه العامه واحده جابت 98.5% و التانيه جابت 70%
قامت ام 98.5% لغت الصداقه مع بنت عمها ع الفيس و قالت لها انا هدخل طب و هيبقى الاكونت كله دكاتره و كدا ! 🙂
الاولى دخلت #طب فعلا
التانيه دخلت #تجاره
الاولى فرحت بالبالطو الأبيض و لقب دكتوره و حست بنفسها ..! 🙂
التانيه دخلت كلية الشعب و عينها ع القمه 😉
الاولى طول اليوم بوستات تعرف الناس انها بتدرس فى طب و ان الدراسه صعبه و انها بتعانى
التانيه لغت صفحتها من ع الفيس !
الاولى جابت #جيد بالعافيه
التانيه جابت #امتياز
بعد #أربع سنين
الاولى كانت فى رابعه طب
التانيه كانت الاولى على دفعتها و بقت مُعيده
بعد #سبع سنين
الاولى اتخرجت من طب و بقت دكتورة و اتخصصت نساء و توليد !
التانيه بقت دكتوره فى الاستثمار و اتجوزت و معاها معاذ و منه " توأم " ☺
الاولى جالها تعين فى وحدة صحة 100 بدر حلاوه و مفيش داعى اقولكم بتعمل ايه " تخيلوا انتم "😄
التانيه اتعينت مستشاره فى الحكومه غير انها دكتوره فى الجامعه !
الاولى لسه لها اكونت ع الفيس بتشير عليه بوستات معاناة الاطباء و حملة وضع حارس قضائى على دار الحكمه ..
التانيه لها اكونت على تويتر و بتطلع تغريداتها فى النشرات الاقتصاديه و الاكونت الشخصى عليه اساتذة جامعه و مسئولين فى الحكومه و مشاهير
الاولى بتحضر مؤتمرات فى قاعات النقابه و هتموت على رحلة شرم بتاعة شركات الادويه
التانيه كل لقاءاتها فى شيراتون و انتركونتننتال و سان ستيفانو
الاولى اتجوزت دكتور 😃
التانيه #ولادها فى حضانه لغات
الاولى هفها عقلها و كتبت روشته فيها #أوجمنتين جالها الصيدلى عيشى عيشة اهلك الناس هنا اقصى امانيهم #فلوموكس ..!
التانيه بتعمل لقاءات بالفيديو كونفرس
الاولى بعتت للتانيه #ادد
التانيه قبلته و فتحت لها الفريندس عشان تشوفهم و بعدين اديتها بلوك ..! 😃
الغرض منه : يتوقف #حلمك عندما تموت ! 😉
الحلم مش بكليه القمة اللي بتحلم تدخلها عشان تحقق ذاتك !
الحلم مش إنك تطلع دكتور أو مهندس !
الحلم إنك تحقق ذاتك في المكان اللي انت فيه وتسيب بصمتك ! 🙂♥
عموما مش مهم دخلت ايه... المهم تثبت نفسك في المكان اللي دخلته
**********************************
اسعد الله كل اوقاتكم بكل الخير 💚❤
اذكر الله وصل وسلم على رسول الله ❤💚
**********************************
