15/07/2018
هتقدم ليكم كل يوم معلومات عن مكان جديد
وبما ان بلدنا مليانة اماكن جميلة للفسح والخروجات والاستجمام ومين يقدر يوصلك احسن من
هنبداها بمكان يمكن من اجمل شؤاطئ العالم مش مصر بس 😍
هنتكلم عن مرسى علم يعنى الأستجمام والنقاء والرحلات اللى مفيهاش دوشة
أول حاجة لازم تعملها أنك تزور القلعان ودى حوالى 65 كيلو من مرسى علم دى بقى شجرة كدة فى وسط المياة فى منطقة حنكوراب ويفضل زيارتها قبل المغرب بساعتين علشان تستحمل الشمس وتستمتع بالمنظر الموجود ❤️❤️
أنت فى المكان ده كدة تبقى واقف فى المكان اللى يعتبر من أجمل وأفضل 20 شاطئ حول العالم ..عارف سمكة نيمو بتاعت الكارتون دى هتلاقيها هناك كتير اوى وسط الشعاب المرجانية ( حافظ على كل حاجة هناك لان دى محمية طبيعية تتبع محمية وادى الجمال ) يعنى حافظ على الشعاب المرجانية .. 😉
اليوم التانى بقى ممكن تروح تجرب تنزل المياه فى منطقة النيزك ودى الأسطور بتقول أن الحتة دى نزل فيها نيزك فعمل التشكيل الشاطئى اللى موجود ده ..المنطقة دى صعب اى حد يوصلها الا اللى عارفها فحاول وانت فى الفندق تسأل الناس عليها لانها مش ع الطريق علطول وبتتمشالها شوية حلوين جوة مدق صغير كدة ..
ممكن تجرب شاطئ مرسى مبارك ودى أنت بتروحها عن طريق لنش ولما توصل الشاطئ دة هتشوف ال الدوجونج ودة بيتسمى فيل البحر او عجل البحر وهتشوفة قريب منك عادى جدا ( على فكرة هو ضخم جدا عكس ما أنت بتتخيلة فى الصور ) ..حاجة مسالمة بس متلمسوش وكمان هتشوف سلاحف كتيير جدا
أنت بعد كل يوم من اللى هتشوفة وهتعملة ( الموضوع فيه مجهود ) هترجع مش قادر بس لو حابب النزول بليل مش هتلاقى حاجة فى مرسى علم ممكن تطلع على بورت غالب 😁
وطبعا سواقينا هيكونوا معاك فى كل حتة عشان تعرف تتنقل براحتك وتتفسح انت وعيلتك من غير ما تشغل دماغك بالسواقة ولا بالزحمة 👌✌️
#هتوصل
