ALEX Care Limo

28/07/2024

21/07/2024

- عارف يا يوسف أنا لو كسبت في مسابقة مِن اللي بيعلنوا عنهُم دول ليل نهار في التلفزيون أنا هعمل إيه ؟

= هتعمل إيه ؟

- هقولك بقى تعمل إيه .. تنزل يا معلم دِشك ، تكييفك ، نسـ. ـوانك ، وتقعد بقى في البيت ، تعمل بقى يوم لنانسي يوم لدينا يوم لهيفا .. لأ يومين لهيفا

= والله يا أخي أنا بحسدك علشان انت عارف انت عايز إيه بالظبط ، أهو أنا بقى عُمّري ماعرفت أنا عايز إيه بظبط ، طول عُمّري برضى باللي بتدهولي الدُنيا حتى لو كان قليل ، واللي الدُنيا بتحوشه عني بزهده ، بستغنى عنه ماعرفش ليه ! أو أقول لنفسي معلش اللي مجاش النهاردة بُكرة ييجي ، بس مِن كام يوم كده بصيت على وشي ووش يحيى في المراية لقيتنا كبرنا والدُنيا مديتناش أي حاجة .. تفتكر البلد دي معندهاش حاجة تدهالنا ولا احنا اللي مِش عارفين ناخُد مِنها حاجة ؟!

= طب وتفرق إيه ؟! ما كده كده محدش واخد مِنها حاجة !

- لا تفرق .. لو العيب فينا يبقى ماتفرقش البلد دي عن غيرها ، إنما لو العيب في البلد يبقى مِش عيب إننا ندور على بلد تانية .. صح ولا لأ ؟

= عارف يا يوسف الفرق بين البلد دي وغيرها إيه ؟ إن البلد دي محجوزة بوضع اليد لناس تانية ، وانا وانت إيدينا مِش طايلة علشان كده مالناش في خيرها نايب ، واللي انت بتسميه زُهد ده أنا بسميه تكيُف ، تكيُف مع الظروف .. مستغني عن إيه يا يوسف عن أبسط حقوقك ؟! عن إنك تحِب وتتجوز ويبقى عندك بيت وعيال وشُغلانة مُحترمة وإحساس بالأمان !

"قص ولزق - ٢٠٠٦"
تأليف وإخراج: هالة خليل

21/07/2024

- تعالى نفترض يا أستاذ سعيد إنك لأول مرة هتبقى إنسان مصلحجي وهتعزم خمس أشخاص عندك في البيت على الفطار في رمضان لإن الخمسة دول انت جايبهم عشان عايز مِن كُل واحد فيهم مصلحة .. هتعزم مين وهتطلب مِنهُم إيه ؟

= هو أنا عُمري كُنت بتاع مصلحة ؟! لا مِش هعزم حد طبعًا .. أنا لا بحِب المصالح ولا أحِب حد يعملي حاجة ولا أحِب الواسطة ولا أحِب حتى أتوسط لحد ولا أحِب حد يحميني

- آه بس مُمكن تعزم مثلًا وزير أو مسؤول في الدولة عشان عايز تصلح حاجة بايطٰـ ـة في البلد مِش عشان حاجة شخصية ليك يعني

= لأ أنا لو عايز أصلح حاجة في البلد ولقيت قدامي المسؤول عنها مِش هطلب مِنُّه يصلحها ده أنا هتحٰـ ـانق معاه

- ليه ؟!!

= ما هو مسؤول عنها يعني المفروض لو فيه حاجة بايطٰـ ـة يصلحها لوحده مِن غير ما أطلُب مِنُّه ده شُغله ، ومعنى إنه سايبها بايطٰـ ـة لحد ما أنا أجي أطلُب مِنُّه يبقى مسؤول فـ ـاسد ومِش شايف شُغله .. أقوم أنا بقى أروح أجامله واقوله تعالى أطفـ ـحك في بيتي عشان أترجاه يصلح حاجة هو المسؤول عنها ؟!! ده أنا لو جيبته بيتي هجيبه بس عشان أمسِك في حٰـ ـناقه واشـ ـتمه

18/07/2024

- أنا بعتلك يا أستاذ عادل عشان أهم حاجة في حياتي ، طبعًا انت عندك فكرة أنا كافحت أد إيه لغاية ما وصلت للمركز اللي أنا فيه ده .. مؤسسة الكاشف يا أستاذ عادل جُزء هام مِن إقتصاد البلد
= ربنا يزيدك
- رحلة الكفاح الطويلة دي عاوز أسجلها في كِتاب وأسميه مشوار على الأشواك
= مشوار على إيه ؟!
- الأشوااااك .. علشان الأجيال الجديدة مِن الشُبان تعرف إن مفيش حاجة إسمها يأس أو فسّٰل
= كُل عُظماء البلد الأيام دي بيكتبوا مذكراتهُم
- بس أنا معنديش إسلوب جميل في الكتابة علشان كده إختارتك انت تعملي الصياغة الأدبية للكِتاب بتاعي
= حضرتك قرتلي إيه بظبط ؟!
- كتير كتير ، كُل اللي بتكتبه تقريبًا
= بس انا بكتِب كلام فارغ !
- يا راجل بلاش تواضع
= ده مِش تواضع دي الحقيقة .. أنا بكتب أخبار أهل الفن ، دي رقـ ـصت كما يجب أن يكون الرقـ ـص ، ده مثل كويس دي مثلت زي النيلة ، سيادتك عايزني عشان حاجة تانية .. انت عايز ترشيني
- صح
= صعب
- أستاذ عادل .. كُل حاجة في الدُنيا ليها تمن وعادةً في التعامُل معايا مابيحصلش أي خلاف في التمن .. قولت إيه ؟
= جايز يكون المبدأ بتاع حضرتك مبدأ صحيح
- مِش جايز هو مبدأ صحيح فعلًا
= طب كويس .. بس انا معنديش حاجة أبيعها أو أساوم عليها أساسًا
- لأ عندك ، إنك تُسكُت .. سكوتك يا أستاذ عادل ليه تمن كبير أوي عندي
= طيب أنا مُتشكر أوي يا فهمي بيه على حُسن إستقبالك ليا ، أنا معنديش إستعداد إن انا أتعاون في حٖـ ـريمة
- يا إبني أقُعد انت ليه غاوي تكبر المسائل ؟!
= بالعكس ده انا بصغرها لإنهم حٖـ ـريمتين .. الحٖـ ـريمة الأولانية قـTـل مرسي السويفي ، والتانية حٰـ ـطف البنت
- البنت بخير
= يعني انت مُعترف بحٰـ ـطفها ؟!
- يا راجل هو انا بتحرك مِن مكتبي علشان أحٰـ ـطف ؟! جماعة مِن أصحابي قاموا بالمأمورية دي
= يعني انت عارف وموافق ؟!!
- طبعًا .. نشأت ده إبني ولازم أحميه
= تحميه لما يكون في حٰـ ـطر عليه لكن ده هو اللي حٰـ ـطر على الناس !
- اللي مِش قادر أفهمه إن السويفي اللي مـ ـات ده انت مالكش علاقة بِه لا قريبك ولا صاحبك ولا أي حاجة .. انت إيش دخلك ؟!!
= اممم .. سيادتك تعرف جُحا طبعًا ؟
- مين ميعرفش الراجل جُحا المسخرة ده ؟!
= المسخراااااااة مظبوط .. راحوا يافندم لجُحا الراجل المسخرة ده قالوله يا جُحا المسخرة مالية بلدكُم قالهم أنا مالي مادام بعيد عن بيتي خلاص ، رجعوا قالوله يا جُحا المسخرة مالية بيتكوا قالهم أنا مالي مادام بعيدة عن مِش عارف إيه خلاص
- راجل حكيم
= دلوقتي بقى حكيم ؟! ما كان مِن شوية مسخرة ؟! إنتوا عايزين الناس كُلها تبقى زي جُحا ، كُل واحد عايش لنفسه وبس .. علشان الدنيا تبقى سداح مداح وحضراتكُم تعملوا فيها اللي إنتوا عايزين تعملوه

"الغول - ١٩٨٣"

13/07/2024

- قالولي إنكُم جايين تصادروا أملاكي ؟!
= إحنا بنصادر أملاك أسرة محمد علي كُلها
- بأي حق ؟!
= حق الشعب
- هو اللي طلب مِنكُم ؟!
= إحنا قبل ما نكون ظباط .. إحنا مِن الشعب
- على العموم المُناقشة معاكُم غير مُجدية ، لإنها غير مُتكافئة .. إنتوا دلوقتي أصحاب القوة معاكُم الـ ـسـلاح وإحنا أصبحنا عُزل
= صدقني سموك المُناقشة دايمًا كانت غير مُتكافئة .. وإذا كُنا إحنا النهاردة بنحمِل الـ ـسلاح فلإن ده مِن صميم واجبنا عشان نحمي الشعب مِن طٰلـ ـمكُم وطعٰـ ـيانكُم
- نهايته .. طلبتكُم ؟
= سموك تختار قصر تعيش فيه وتختار عربية واحدة بس المُهم كُل حاجة تفضل زي ما هِيَ وممنوع تبديد أي شيء مِن المنقولات سواء عن طريق البيع أو التـ ـهريب
- الكلام ده بتقوله لينا إحنا ؟!!
= دي تعليمات

- أنا مُستعد لكُل طلبتكُم لإن الرفض أصبح مُجرد عبث وتضييع للوقت .. بس ياريت يا حضرة الظابط تعرفوا تحافظوا على الحاجات دي وتقدروا قيمتها كويس على الأقل لو إتغيرت الظروف ورجعنا في يوم مِن الأيام نلاقيها زي ما سيبناها

= مفتكرش إن اليوم ده هيرجع

- حتى لو مرجعش على الأقل الناس تشوف وتقدر الحاجات الجميلة اللي إحنا سيبناها ولازم تعرف يا حضرة الظابط وياريت تقول لزمايلك إذا كانوا الفراعنة سابوا حاجات إنتوا بتفخروا بيها .. فأُسرة محمد علي سابتلكُم حاجات ياريت تقدروا تحافظوا عليها

"رد قلبي - ١٩٩٨"