جزائري VTC يوميات

جزائري VTC يوميات Le quotidien d'un chauffeur VTC en Algérie

22/04/2023

🌙 عيدكم مبارك 🌙
تقبل الله من الجميع

12/04/2023

مساء الخير عليكم و صحا فطوركم جميعاً.
حبيت نحكي على تطبيق #يانڨو
صدقوني هذا هو التطبيق لي راح يقضي على الـVTC في الجزائر. كارثة بأتم معنى الكلمة ، ما نخدمش بيه بصح كي شفت و سقسيت و عرفت كيفاش يمشي ، و الله غير راسي حبس!!! ويلا راني غالط ولا غلطوني من فضلكم صحولي المعلومة :
كي تصوني ما تخرجلكش الوجهة la destination
و ما يخرجلكش السعر
و فيها système de points كي ما تقبلش فقط ينقصولك، و كي تقبل و تلغي annulation ينقصولك بزاف نقاط و كي تلحق تحت عدد معين من النقاط، هذاك الـbonus لي يهفو بيه السائقين ما تديهش !!!
فوق كل هذا ، الأسعار أرض أرض ، كورسات بـ80 دج و يزلك 120 دج فقط في أغلب أوقات اليوم (باش تلحق 200, أما هاذيك تاع 350 دج فهي في ساعة او ساعتين في النهار فقط ) ، و ينحولك 9% ، و تغلط أنسى الـbonus لي هو كان 250 دج لكل رحلة و أصبح 200 دج للرحلة!!!
منكم بالصح تخدمو معاهم ؟؟؟؟
على كل حال هذا واش حكاولي و واش قريت فالمجموعات و الله أعلم.

04/04/2023

مساء الخير عليكم
و صحّ فطوركم ...
مزال ما تحركتش الخدمة كيما يلزم ، مزالت ناقصة و الأسعار بخسة ما تساعدش السائق ، الله المستعان

26/03/2023

مؤسسة مثل شركة Yassir التي لها مداخيل بالمليارات خلال كل أشهر السنة + دعم أمريكي على مرتين، كان الأجدر بها القيام بِإلتفاتة طيبة اتجاه السائقين خصوصاً الذين تعتبر مهنة سائق vtc هي مصدر دخلهم الوحيد ، فمؤسسة #يسير تعلم كل العلم أنه خلال هذا الشهر الفضيل (شهر رمضان) يكاد العمل أن يكون منعدماً إلى غاية نهاية الشهر .
كان بإمكان الشركة منح هؤلاء السائقين منحة تشجيعية أو تحفيزية و لو رمزية لمساعدتهم في مواجهة الضروريات اليومية لهم .
تستطيع المؤسسة تحديد السائقين الذين يُمثِل لهم الـvtc مصدر قوتهم الوحيد من خلال المعطيات المتوفرة لديهم (السائقين/المنشطين) الذين يُشغِلون التطبيق يومياً و خلال معظم فترات النهار ، و منحهم مبلغ رمزي خلال بداية شهر رمضان .
يبقى هذا رأي شخصي و مجرد اقتراح لا ألزم به أحداً.
صحا فطوركم

23/03/2023

" براقي A1 "
يعني ملعب نيلسون مانديلا
بداو الطلبات ، اليوم مقابلة الفريق الوطني

23/03/2023

رمضان مبارك على الجميع .
راهي كاين شوية خدمة مع صباح أول يوم من الشهر الفضيل.
ربي يوفق الجميع

22/03/2023

غدوة رمضان ولا الحرب ؟!!؟!

21/03/2023

العاصمة حالياً ❌❌❌❌❌
سركلة كحلة في كل الطرقات
و الأسعار مرتفعة نسبياً خصوصاً #كورسة

في نص الليل... بمية و سبعطاش و الله ما يركبها و بمية ثلاثين و الله ما يركبها و بمية و ربعين و الله ما يركبها و بمية و خم...
21/03/2023

في نص الليل...
بمية و سبعطاش و الله ما يركبها
و بمية ثلاثين و الله ما يركبها
و بمية و ربعين و الله ما يركبها
و بمية و خمسين و الله ما يركبها

و على الزوج تاع الليل 🙄🙄 ناوي يذبحني السيد 🤣🤣
18/03/2023

و على الزوج تاع الليل 🙄🙄 ناوي يذبحني السيد 🤣🤣

16/03/2023

الناس لي راهي تخدم هاد الخدمة ، إتقوا الله في أموالكم ، ما تاكلش لحرام مهما يكون...
كاين ناس ما تعرفش تستعمل التطبيق ، يدير مثلاً خروبة تخرجلو خروبة تاع بودواو (السعر تاعها طالع بزاف مقارنةً مع خروبة المحطة) ، ماشي تقبل و تشوفو ما يعرفش تخلص عليه 1500 دج و هي كورسة تاع 500 دج ولا 700 دج ، ما راحش تربح بهاداك الفارق.
و كل واحد حر و ربي يهدي ما خلق.

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque جزائري VTC يوميات publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type