ဆုမွန်အောင် ဆေးခန်း

22/01/2026

#သွေးအားနဲ #သွေးပေါင်ကျ #ဆုမွန်အောင်ဆေးခန်း

Check out Dr.Hsumon’s video.

20/01/2026

#ဝမ်းမချုပ်အောင်နှင့် လိပ်ခေါင်းရောဂါ ဘယ်လိုကာကွယ်မလဲ
#ဆုမွန်အောင်ဆေးခန်း

Check out Dr.Hsumon’s video.

20/11/2025

❄️ ဆောင်းလာပြီ… အအေးမိခြင်းများ များပြားလာတဲ့ကာလပါ
ဒီရက်ပိုင်းမှာ အအေးမိ၊ တုတ်ကွေး၊ နှာစေး၊ ချောင်းဆိုး များလာတာကို တွေ့ရပါတယ်။ အများကြီး စိုးရိမ်စရာ မဟုတ်ပေမဲ့ ကိုယ့်ကိုယ် ဂရုစိုက် ကာကွယ်လို့ရအောင် ဒါလေးတွေကို သိထားရင်ပိုကောင်းပါတယ်ရှင့်

🤧 အကြောင်းရင်းများ
• ရာသီဥတု အေးတာကြောင့် ဗိုင်းရပ်စ်တွေ ပိုမိုပြန့်ပွါးလွယ်ခြင်း
• ခန္ဓာကိုယ်က ကိုယ်ခံစွမ်းအားလျော့နည်းခြင်း
• လူစု လူဝေးနေရာများ ပိုမိုသွားလာကြခြင်း

🩺 သိထားသင့်သည်များ

အအေးမိ / တုတ်ကွေး / နှာစေး / ချောင်းဆိုး ဖြစ်ပြီဆိုလျှင်

➡️ရေများများသောက်ပါ
➡️ အာဟာရ ပြည့်ဝအောင်စားပေးပါ
➡️အားဆေး သောက်လက်စရှိရင် ဆက်သောက်ပါ (ရပ်စရာမလိုပါ)
➡️ အိပ်ရေးဝဝအိပ်ပါ ၊ အနားကောင်းကောင်းယူပါ

🩸သောက်သုံးရမယ့် ဆေးများကလည်း
*️⃣ချောင်းဆိုးလျှင် dextromethorphan လို့ခေါ်တဲ့ ချောင်းဆိုးပျောက်ဆေး တနေ့ ၃ကြိမ် သောက်နိုင်ပါတယ်
*️⃣ နှာစေးလျှင် ( Cetrizine , Loratidine , Burmeton ) ကြိုက်နှစ်သက်ရာ တမျိုးကို တနေ့ ၁ကြိမ် သောက်ပေးပါ
*️⃣ လည်ပင်းယား နာ လျှင် ငုံဆေး(Lozenges)များ ငုံပေးခြင်း ၊ ရေနွေးဆားရေနှင့် ပုလုတ်ကျင်းတာတွေ ပြုလုပ်နိုင်ပါတယ်
*️⃣ ဖျားနာ ကိုက်ခဲလျှင် Paracetamol 500mg ၆နာရီခြား တနေ့ ၄ကြိမ်ထိ သောက်သုံးနိုင်ပါတယ်
*️⃣ ပိုးသတ်ဆေးလိုလာပြီဆိုရင်တော့ ဆရာဝန်နှင့်ပြ၍ ဆေးကုသမှု ခံယူပါ

🚭ဆေးလိပ် ၊ အရက် ရှောင်ပါ
လက်ဖက်ရည် ကော်ဖီ ရှောင်နိုင်လျှင်လည်း ပိုကောင်းပါတယ် (ဆီးသွားများစေတာကြောင့် ရေဓတ်နည်းသွားမှာဆိုးလို့ပါ )

#ဆုမွန်အောင်ဆေးခန်း
#တုတ်ကွေး
ဆုမွန်အောင်ဆေးခန်း
၅/၇၆ ကနောင်လမ်းမကြီး၊ ရာဇသင်္ကြန် ရပ်ကွက် ၊ ဒလမြို့
📱09250082687
09776841568

15/11/2025

❤️ နှလုံးသွေးကြောကျဉ်း – Stent ထည့်ထားသူများအတွက် သိထားသင့်တာ

ရေးသားသူ – Thet Hein, MD

Heart Attack ဖြစ်ပြီး Stent ထည့်ထားသူတွေအတွက် ကျန်းမာစွာဘေးကင်းကင်းနေထိုင်သွားနိုင်ရန်အရေးကြီးဆုံးက — နှလုံးခံနိုင်ဝန်ထက် ပိုခိုင်းခြင်းမျိုး မပြုလုပ်ဘဲသတိထားခြင်း ဖြစ်ပါတယ်။

🫀 Stent ဆိုတာဘာလဲ

Stent ဆိုတာ သွေးကြောကျဉ်းနေတဲ့နေရာကို ပြန်ချဲ့ပေးဖို့ ထည့်ပေးတဲ့ သံချောင်းသေးသေးတစ်ခုပဲ ဖြစ်ပါတယ်။
ဒါပေမဲ့ Stent ထည့်လိုက်တာနဲ့ “အကုန်ပြန်ကောင်းသွားတယ်” မျိုး မဖြစ်ပါ။
အခြား သွေးကြောတွေမှာ နောက်ထပ် သွေးကြောကျင်းမှုအသစ် မဖြစ်အောင် ထိန်းသိမ်းခြင်း လုပ်ဖို့ လိုအပ်ပါတယ်။

💊 ဆောင်ရန်

✅ ဆရာဝန်ညွှန်ထားတဲ့ သွေးခဲတားဆေး (Aspirin, Clopidogrel စသည်) တို့ကို နေ့စဉ်တိတိကျကျသောက်သုံးပါ။
✅ သွေးတိုး၊ သွေးချို၊ အဆီဓာတ်များခြင်းစတဲ့ ရောဂါတွေအတွက် စနစ်တကျ ထိန်းပါ။
✅ သက်တမ်းတိုးဖို့ နေ့တိုင်း လေ့ကျင့်ခန်း အနည်းဆုံး 30 မိနစ်လုပ်ပါ။
✅ နေ့စဉ် အနားယူခြင်း၊ အိပ်စက်အနားယူချိန် အပြည့်အဝပေးပါ။
✅ စိတ်ဖိစီးမှု လျော့ပါးအောင် လေ့ကျင့်ပါ (meditation, deep breathing စသည်)။

⚠️ ရှောင်ရန်

❌ ဆေးဝါးကို မိမိစိတ်ကြိုက် ဆေးသောက်သုံးမှုရပ်ခြင်း (သို့မဟုတ်) dose လျော့ခြင်း
❌ စားသောက်ကျွေးမွေးမှု စနစ်တကျမရှိခြင်း (အညစ်အကြေးအစာများ, အဆီပိတ်စေသောအစာများ)
❌ အလုပ်သိပ်များပြီး အနားယူခြင်းမရှိခြင်း
❌ သွေးတိုးကို မစစ်တာ၊ သွေးချိုကို မစစ်တာ

💡 သတိပြုပါ

Stent ထည့်ထားသူတွေအတွက်
• သွေးလည်ပတ်မှုကောင်းဖို့ စနစ်တကျစားပါ။
• သွေးဖိအား မတက်အောင် ထိန်းပါ။
• သွေးတုံးသွေးခဲများမဖြစ်အောင် ဆေးကို မရပ်ပစ်လိုက်ပါနဲ့။

💬 စကားတစ်ခုနဲ့ သုံးသပ်ရရင်…

“Stent ထည့်ထားတဲ့ နှလုံးဟာ ပြုပြင်ပြီးသားမော်တော်ကားတစ်စီးလိုပါပဲ။
လမ်းကောင်းအောင် ပြုပြင်ထားမှ ပို၍မပျက်မစီးဘဲအသုံးခံပါမယ်။”

လေးစားစွာဖြင့်,
🩺 Thet Hein, MD

13/11/2025

အရိုးအဆစ်နာကျင်ကိုက်ခဲမှုအတွက် ရေခဲအုံခြင်း (Ice Compression) နှင့် ရေနွေးအုံခြင်း (Heat Compression) တို့၏ အသုံးပြုရမည့် အခြေအနေများ (Indications) နှင့် မသုံးသင့်သည့် အခြေအနေများ (Contraindications)

---

1. ရေခဲအုံခြင်း (Ice Compression/Cryotherapy)

အဓိကရည်ရွယ်ချက်: ရောင်ရမ်းမှုကို လျှော့ချခြင်း၊ သွေးကြောများကို ကျုံ့စေခြင်း၊ အာရုံကြောများ၏ တုံ့ပြန်မှုကို နှေးကွေးစေကာ နာကျင်မှုကို သက်သာစေခြင်း။

အသုံးပြုသင့်သော အခြေအနေများ (Indications for Ice)

1. ရုတ်တရက်ဒါဏ်ရာ (Acute Injuries): ချက်ချင်းဖြစ်သော ဒဏ်ရာများ (ဥပမာ - ချော်လဲခြင်း၊ ကြိုးခုန်ခြင်း၊ ခလုတ်တိုက်ခြင်း) ဖြစ်ပြီး ၄၈ နာရီမှ ၇၂ နာရီ အတွင်း။

2. ရောင်ရမ်းခြင်း၊ နီမြန်းခြင်း၊ ပူနွေးခြင်း (Inflammation, Redness, Heat): ဒဏ်ရာအသစ်တွင် ရောင်ရမ်းနေချိန်။

3. ထိခိုက်ဒဏ်ရာပြီး ချက်ချင်း: နာကျင်မှုကို အမြန်ဆုံး ထိန်းချုပ်လိုသော အချိန်။

4. လေ့ကျင့်ခန်း ပြုလုပ်ပြီးချိန်: ကြွက်သားများ နာကျင်ကိုက်ခဲခြင်း (Delayed Onset Muscle Soreness - DOMS) ကို ကာကွယ်ရန် သို့မဟုတ် သက်သာစေရန်။

မသုံးသင့်သော အခြေအနေများ (Contraindications for Ice)

1. သွေးလှည့်ပတ်မှု မကောင်းခြင်း (Poor Circulation): ဆီးချိုရောဂါကြောင့် သွေးကြောထိခိုက်သူများ၊ သွေးစီးဆင်းမှု အားနည်းသူများ။

2. အာရုံခံစားမှု ချို့ယွင်းခြင်း (Sensory Impairment): ဒဏ်ရာနေရာတွင် ထုံကျင်မှုရှိသူများသည် ရေခဲဒဏ်ကို မခံစားမိဘဲ အရေပြားပျက်စီးတတ်သည်။

3. အအေးဓာတ်နှင့် ဓာတ်မတည့်ခြင်း (Cold Hypersensitivity): အအေးဒဏ်ကို မခံနိုင်သူများ (ဥပမာ - Cold Urticaria)။

4. တစ်ရှူးများ ခြောက်သွေ့ပျက်စီးနေခြင်း (Open Wounds or Atrophic Skin): အနာဖေးမကပ်သေးသော ဒဏ်ရာများ၊ အရေပြားပြဿနာရှိသည့်နေရာတွင် မသုံးသင့်။

သတိပြုရန်: ရေခဲကို အရေပြားနှင့် တိုက်ရိုက်မထိပါစေနှင့်။ ပုဝါပါးတစ်ထပ်ခင်း၍ အုံပါ။ တစ်ကြိမ်လျှင် ၁၅-၂၀ မိနစ်ထက် ပိုမထားပါနှင့်။ တစ်နေ့လျှင် ၃-၄ ကြိမ်ခန့် သုံးနိုင်သည်။

---

2. ရေနွေးအုံခြင်း (Heat Compression/Thermotherapy)

အဓိကရည်ရွယ်ချက်: သွေးကြောများကို ပြန့်ကားစေခြင်း၊ ကြွက်သားများကို ပြေလျော့စေခြင်း၊ တောင့်တင်းမှုကို လျှော့ချပေးခြင်း။

အသုံးပြုသင့်သော အခြေအနေများ (Indications for Heat)

1. နာတာရှည် ကြွက်သားတောင့်တင်းမှု (Chronic Muscle Tension or Stiffness): ဇက်ကြောတက်ခြင်း၊ ခါးနာခြင်း စသည့် ကြာမြင့်စွာ ခံစားနေရသော ဝေဒနာများ။
2. ဒဏ်ရာ သက်တမ်းရင့်ပြီးချိန် (After 48-72 Hours of Acute Injury): အကြိတ်ရိုက်ဒဏ်ရာ၏ ရောင်ရမ်းမှု အဓိကကျသွားပြီး ကြွက်သားတောင့်တင်းမှု ကျန်နေချိန်။
3. အဆစ်အမြစ် ရောင်ရမ်းမှု မဟုတ်သော နာကျင်ကိုက်ခဲမှုများ (Non-inflammatory Pain): အကြောင်းရင်းမရှိဘဲ ကြွက်သားညောင်းညာကိုက်ခဲခြင်း။
4. လေ့ကျင့်ခန်း မစမီ ကြွက်သားပြေလျော့စေရန်: ကြွက်သားများကို သွေးပူစေပြီး ထိခိုက်မှုလျော့နည်းစေရန်။

မသုံးသင့်သော အခြေအနေများ (Contraindications for Heat)

1. ရုတ်တရက်ဖြစ်သောဒါဏ်ရာအသစ် (Acute Injuries with Inflammation): ရောင်ရမ်းနီမြန်းပူနွေးနေသော ဒဏ်ရာပေါ်တွင် ရေနွေးအုံပါက ရောင်ရမ်းမှု ပိုဆိုးစေသည်။
2. သွေးထွက်လွန်ခြင်း သို့မဟုတ် သွေးခဲခြင်း (Bleeding Tendency or Thrombosis): ရေနွေးသည် သွေးကြောများကို ချဲ့ပေးသောကြောင့် သွေးထွက်များစေနိုင်သည်။
3. အာရုံခံစားမှု ချို့ယွင်းခြင်း (Sensory Impairment): ရေနွေးပူလောင်ဒဏ်ကို မခံစားမိဘဲ ပူလောင်နိုင်သည်။
4. ကင်ဆာရောဂါ (Cancer): ရေနွေးသည် သွေးစီးဆင်းမှုကို မြင့်တက်စေကာ ကင်ဆာဆဲလ်များ ပြန့်ပွားနိုင်ခြေရှိသည်။
5. ပိုးဝင်နေသော ဒဏ်ရာ (Infected Areas): ရေနွေးသည် ဘက်တီးရီးယားပိုးများ ပွားများစေနိုင်သည်။

သတိပြုရန်: ရေနွေးအိတ်ကို အရေပြားနှင့် တိုက်ရိုက်မထိပါစေနှင့်။ ပုဝါဖြင့်ခံ၍ အုံပါ။ တစ်ကြိမ်လျှင် ၁၅-၂၀ မိနစ်ခန့်သာ ထားပါ။ အိပ်ပျော်သွားခြင်း၊ အချိန်ကြာမြင့်စွာ ထားခြင်းမှ ရှောင်ကြဉ်ပါ။

---

Prof Thein Myint GI
· ရေနွေး (HEAT) = ကြာပြီး၊ တောင့်နေသော၊ ညောင်းနေသော ဝေဒနာများအတွက်။
Prof Thein Myint (GI)

11/11/2025

၁။ ဘဝမှာ အထူးချွန်ဆုံးသူဖြစ်ဖို့ထက် အမြဲယုံကြည်အားထားရတဲ့သူဖြစ်ဖို့ ပိုအရေးကြီးတယ်။

၂။ ဘဝပြဿနာအများစုဟာ စောစောထအလုပ်လုပ်ခြင်းနဲ့ ဖြေရှင်းရတာပါ။

၃။ တစ်ခါတလေ မင်းရှောင်နေတဲ့အချက်တွေထဲမှာပဲ မင်းပြဿနာရဲ့အဖြေကို ပြန်ရှာတွေ့တတ်တယ်။

၄။ ပါရမီနဲ့ ဉာဏ်ရည်ဘယ်လောက်ကောင်းကောင်း သတ္တိမရှိရင်လည်း ဘာမှဖြစ်မလာနိုင်ဘူး။

၅။ Plan ဘယ်လောက်ကောင်းကောင်း ကြိုတင်ပြင်ဆင်မှုမရှိရင် ထင်သလောက်ခရီးမပေါက်ဘူး။

၆။ အတွင်းစိတ်က တားနေတာကို ဇွတ်လုပ်ရင် ဆုံးဖြတ်ချက်အမှားတွေ ထွက်လာတတ်တယ်။

၇။ ကိုယ်တိုင်မကြိုးစားရင် မင်းလိုချင်တဲ့အရာတွေမင်းလက်ထဲဘယ်သူမှ လာထည့်ပေးမှာမဟုတ်ဘူး။

၈။ လက်တွေ့ကျကျရှင်သန်တာက ခက်ခဲပေမယ့် အမှန်ဆုံးဘဝနေထိုင်နည်းပါ။

၉။ “ နောက်မှ” ဆိုတဲ့ ဆင်ခြေပေးတာများသွားရင် ဘဝကလည်း ဘာမှဖြစ်မလာတော့ဘူး။

၁ဝ။ စိုးရိမ်ပူပန်မှုက သက်တောင့်သက်သာနေဖို့ကို တွန်းအားပေးတယ်။ သက်တောင့်သက်သာနေပါများတဲ့အခါ ဘဝတိုးတက်မှုလည်း ရပ်သွားတယ်။

၁၁။ မင်းဆိုတာ မင်းလုပ်ရပ်အားလုံးရဲ့ စုစုပေါင်းရလဒ်ပါ။

၁၂။ ဘဝကတော့ အခက်အခဲပေါင်းစုံနဲ့ပြည့်နေတာပါ။ ဘယ်လောက်ခက်တဲ့အရာကိုရွေးမလဲဆိုတာပဲ မင်းရွေး ချယ်ရမှာပါ။

၁၃။ အရာအားလုံးနားလည်နေတဲ့သူမရှိပါဘူး။ မင်းနားမလည်တဲ့အရာတွေရှိတာ မင်းညံ့လို့မဟုတ်ဘူး။

၁၄။ မင်းအနာဂတ်ကို Plan ကောင်းကောင်းဆွဲချင်ရင် ဒီနေ့အလုပ်ကောင်းကောင်းလုပ်ပါ။

၁၅။ ဘဝဆိုတာ မင်းထင်ထားတာထက် ထိခိုက်ပျက်စီးလွယ်တယ်။ လွယ်လွယ်နဲ့ လမ်းမှားမရောက်မိပါစေနဲ့။

၁၆။ ပိုက်ဆံစုတာကောင်းပေမယ့် ရင်းနှီးမြှုပ်နှံမှုတစ်ခုခုလည်းလုပ်မှ မင်းရဲ့ဝင်ငွေတိုးတက်လာမှာပါ။

၁၇။ စိတ်ဖိစီးမှုမရှိတာကောင်းပေမယ့် အရေးကြီးတဲ့အရာတွေအတွက်ဆိုရင် စိတ်ဖိစီးမှုခံသင်ခံရမှာပဲ။

၁၈။ အတိတ်နေ့ရက်ကောင်းတွေကိုပဲ တမ်းတမနေပါနဲ့။ ဒီနေ့ကလည်း မနက်ဖြန်ဆို အတိတ်ဖြစ်တော့မှာမို့ ကောင်းအောင် ဖန်တီးပါ။

၁၉။ လိုက်လျောညီထွေနေတတ်ခြင်းဆိုတာလည်း ဘဝရဲ့အရေးကြီးတဲ့ အရည်အချင်းတစ်ရပ်ဖြစ်တယ်။

၂ဝ။ ပျော်မယ်ထင်လို့သုံးတဲ့ မူးယစ်ဆေးဆိုတာ မင်းဘဝတစ်ခုလုံးကို အဆုံးထိဝါးမျိုသွားမယ့်အရာပါ။

၂၁။ လုံလောက်တဲ့ပြင်ဆင်မှုမရှိသေးသရွေ့ ထိုက်တန်တဲ့အရာတွေ မင်းဆီရောက်မလာပါဘူး။

၂၂။ အောင်မြင်မှုဆိုတာ ရပ်နားလို့မဖြစ်တဲ့ တာဝေးပြေးလမ်းတစ်ခုပါ။ သက်လုံကောင်းဖို့ လိုပါတယ်။

၂၃။ အမြဲအနိုင်ရနေတာက လူမှုဆက်ဆံရေးမှာ ပြဿနာဖြစ်လာတတ်တယ်။

၂၄။ အရင်ကြိုးစားပါ။ ပြီးမှ စမတ်ကျအောင် နေပါ။

08/11/2025

🖐👣 Hand, Foot & Mouth Disease (HFMD)

ကလေးငယ်တွေမှာ အများကြီးတွေ့ရတဲ့ ရောဂါပါ။ 🧒
ဗိုင်းရပ်စ်ရောဂါ ပိုး တစ်မျိုးဖြစ်ပါတယ်
တစ်ခြားကလေးတွေဆီက အလွယ်တကူ ကူးစက်နိုင်ပါတယ်။

လက္ခဏာများ:
• ကိုယ်အပူတက်ခြင်း 🌡
• လက်ဖဝါး၊ ခြေဖဝါး၊ ပါးစပ်ထဲ အဖုလေးတွေထခြင်း ၊ လည်ပင်းနာခြင်း
• စားချင်စိတ်လျော့ခြင်း ၊ နှုန်းခွေခြင်း

အရေးကြီးတာ:

• ရေများများသောက်ပါ 💧
• အအေး ဖျော်ရည်သောက်ပါ (ပါးစပ်နာလို့ စားရခက်တတ်ပါတယ်)
• အစာပျော့ပျော့ကို ခဏခဏ စားပေးပါ
• ကိုယ်ခံအားကောင်းအောင် အနားယူပါ 😴
• အဖျားတက်လျှင် အဖျားကျဆေး paracetamol သောက်နိုင်ပါတယ်

• မသက်သာပဲ ပိုမိုဆိုးရွာလာပါက ဆရာဝန်နှင့်ပြပါ

#ဆုမွန်အောင်ဆေးခန်း

08/11/2025

နေ့တနေ့ရဲ့ မနက်ခင်းလေးကို လှပတဲ့အပြုံးလေးနဲ့ စလိုက်ပါ ☀️
စိတ်အေးအေးနဲ့ ရယ်မောပျော်ရွှင်မှုနဲ့ စတင်နိုင်ရင်
နေ့တစ်နေ့လုံးက သာယာသွားမှာပါ။

🫖 လက်ဖက်ရည်သောက်ချိန် – စိတ်အေးအေးနဲ့ ချိုမြိန်တဲ့ မနက်ခင်းလေးဖြစ်ပါစေ။

05/11/2025

ကိုယ့်ကိုယ်ကို ချစ်ဖို့ မမေ့ပါနဲ့နော် 😇😇

01/11/2025

Intolerance of Uncertainty (IU) (သို့)
မရေရာ မသေချာမှုများကို သည်းမခံနိုင်ခြင်း

လူအချို့ က ဖြစ်လာတဲ့ အခြေအနေအပေါ်မှာ flexible ဖြစ်အောင် နေနိုင်ကြပေမဲ့ အချို့တွေကတော့ မသေချာမရေရာတဲ့ ကိစ္စတွေအပေါ်မှာ စိုးရိမ်ပူပန်မှုတွေ၊ ဒေါသတွေနဲ့ စိတ်မသက်မသာ မခံမရပ်နိုင်အောင်ဖြစ်တတ်ကြပါတယ်။

ဥပမာ:
⚠️အလုပ်အင်တာဗျူးဖြေပြီးရင် အလုပ်ရမှာလား/မရဘူးလား ဆိုပြီး result မသိရမချင်း စားမဝင်၊ အိပ်မပျော်နဲ့ စိတ်လှုပ်ရှားတတ်တာ

⚠️ ခရီးသွားဖို့ စီစဉ်ထားပေမဲ့ မသွားရခင်အချိန်ထိ ကြားထဲမှာ တစ်ခုခုကြောင့် အစီအစဉ်ပျက်သွားမှာကို တွေးပူတတ်တာ

⚠️ ဆေးစစ်ပြီးလို့ ရလဒ်ကောင်းမကောင်း မသိရသေးခင်မှာ အလွန်အမင်း စိုးရိမ်တတ်တာ

ဒီလို အနာဂတ်မှာ ဘာတွေဖြစ်မလဲဆိုတာကို အတိအကျမသိရတဲ့အခါ၊ ကိုယ်ထိန်းချုပ်ထားလို့ မရတဲ့ အခြေအနေတွေကို လက်မခံနိုင်တဲ့အခါ IU သမားတွေဟာ ခြေဖျားလက်ဖျားတွေအေးပြီး နေမထိထိုင်မသာ ဖြစ်ရတဲ့အထိ ပြင်းထန်တဲ့ စိတ်လှုပ်ရှားဖိစီးမှု (anxiety) တွေကိုခံစားရတတ်ကြပါတယ်။

ဒီလို anxiety မျိုးကိုခံစားရတတ်တဲ့လူတွေမှာ ဘယ်လိုအပြုအမူတွေ တွေ့ရတတ်လဲဆိုရင်-

1️⃣ Overthinking (အတွေးလွန်ခြင်း)

မသေချာတဲ့ ကိစ္စတစ်ခုခုကို ကိုယ်ထင်သလို လျှောက်တွေးပြီး အဖက်ဖက်ကနေ အလွန်အမင်းတွေးပူကာ စိတ်ဖိစီးတတ်ကြပါတယ်။
(ဥပမာ- ကိုယ်ပို့လိုက်တဲ့စာကို နှစ်မိနစ်အတွင်း တစ်ဖက်လူကစာပြန်မလာရင်
" ငါ့မက်ဆေ့ချ်ကို သူဖတ်ပြီးပြီလား...? မဖတ်သေးဘူးလား...? ငါ့ကိုစိတ်ဆိုးနေလို့ စာမပြန်တာလား...?
ငါပို့လိုက်တဲ့စာကို နားလည်မှုများလွဲသွားပြီလား...?
ငါဘာမှားလို့လဲ… ? " စသဖြင့် တစ်ကယ့်အဖြေမှန်ကို မသိရသေးခင် ကိုယ့်ဘာသာ အဖြေတွေ ရှာနေတတ်ကြပါတယ်)

2️⃣ Avoidance (အသစ်အဆန်းတွေ လုပ်ကြည့်ဖို့ ရှောင်ကြဉ်လာခြင်း)

ကိုယ်လုပ်နေကျမဟုတ်တဲ့၊ မလုပ်ဖူးတဲ့ အရာတွေကို ကိုယ်ထင်ထားသလို ဖြစ်လာဖို့ မသေချာမှာကြောက်ပြီး လုပ်ကြည့်ဖို့ တွန့်ဆုတ်တတ်ကြပါတယ်။

(ဥပမာ- မသွားဖူးတဲ့ ခရီးတွေ မသွားကြည့်ချင်တာ၊ အောင်မြင်မှာလား မအောင်မြင်မှာလား မသေချာတဲ့ လုပ်ငန်းတစ်ခု၊ အခွင့်အရေးတစ်ခုကို အစတောင် လုပ်မကြည့်ချင်တော့တာ)

3️⃣ Seeking Excessive Reassurance (အထပ်ထပ်အခါခါ အတည်ပြုချင်ခြင်း)

သိပြီးသားအရာတစ်ခုကို သေချာချင်လို့ သူများကို အကြိမ်ကြိမ်မေးမြန်းကာ အတည်ပြုမိနေတတ်ပါတယ်။
(ဥပမာ – ဆရာဝန်ကို ဆေးညွှန်းမှန်မမှန် ထပ်ခါထပ်ခါ မေးမိတာ၊ အိမ်တံခါးပိတ်ခဲ့မပိတ်ခဲ့ ကိုယ့်ဘေးအိမ်ကလူကို ထပ်တလဲလဲ မေးနေမိတာ၊ ကျွန်မသူငယ်ချင်းတစ်ယောက်ဆို သူအခန်းတံခါးပိတ်ခဲ့ကြောင်း ဓာတ်ပုံရိုက်လာတဲ့ အပြင်ကို အဲ့ဒီပုံကို သူများတွေပါ လိုက်ပြပြီး ပိတ်ခဲ့လား မပိတ်ခဲ့လား အတည်ပြုခိုင်းပါသေးတယ်)

4️⃣ Procrastination (အလုပ်တွေကို ရွှေ့ဆိုင်းခြင်း)

မရေရာတဲ့ အလုပ်တစ်ခုကို ဖြစ်လာမှာလား၊ မဖြစ်လာမှာလားတွေးပြီး လုပ်ရမဲ့အလုပ်တွေပါ မလုပ်ဘဲ အချိန်ဆွဲနေတတ်ပါတယ်။

(ဥပမာ- ကျွန်မဆိုရင် fashion design ပုံတွေဆွဲရတာ အရမ်းစိတ်ဝင်စားပါတယ်၊ fashion designer လည်းဖြစ်ချင်ပါတယ်၊ ဒါပေမဲ့ “ငါပုံဆွဲတာတွေ ကျွမ်းသွားတော့ရော အောင်မြင်တဲ့ designer ဖြစ်လာပါ့မလား” ဆိုပြီး ပုံဆွဲလေ့ကျင့်ဖို့ကို အချိန်ဆွဲတာ၊ ပစ်ထားတာတွေ လုပ်မိပါတယ်)

ကိုယ်ကိုယ်တိုင်လည်း ဒီလို အပြုအမူတွေ လုပ်မိနေတယ်ဆိုရင် ဒီအပြုအမူတွေဟာ မသေချာ၊ မရေရာမှုတွေကို စိုးရိမ်တဲ့စိတ်ကနေ အစပြုလာတယ်ဆိုတာ သတိမူမိဖို့ လိုအပ်ပါတယ်ရှင်။

အခုဆိုရင် ကျွန်မတို့ရဲ့ ကမ္ဘာကြီးမှာ နိုင်ငံရေး၊ စီးပွါးရေး၊ လူမှုရေး၊ climate change ကြောင့်ဖြစ်လာမဲ့ သဘာဝဘေးအန္တရာယ် စတဲ့ ဘက်ပေါင်းစုံကနေ မသေချာမရေရာမှုတွေ များပြားလို့လာနေပါတယ်။

အနာဂတ် plan တွေ ကြိုတင်စီစဉ်ထားကြတဲ့ လူငယ်တွေဟာ ဒီလိုမသေချာ၊ မရေရာမှုတွေကပေးတဲ့ anxiety တွေ၊ insecurity တွေကို ခံစားလာကြရပါတယ်။ နဂို IU သမားတွေဆိုရင် ပိုပြီးဆိုးတဲ့၊ ပိုပြီး ပြင်းထန်တဲ့ anxiety တွေကို ရင်ဆိုင်နေကြပါတယ်။
.............................................

မသေချာ၊ မရေရာမှုတွေကြောင့်
မြင့်တက်လာတဲ့ anxiety တွေကို လျှော့ချနိုင်အောင် ဘယ်လိုကြိုးစားကြမလဲ?

✅ မရေရာမှုကို လက်ခံပါ (Embrace Uncertainty)

“Uncertainty is the only certainty there is."
John Allen Paulos ပြောသလိုပဲ ကျွန်မတို့ဘဝမှာ သေချာတာဆိုလို့ ဘယ်အရာမှ မသေချာဘူးဆိုတဲ့ အချက်ပဲ ရှိပါတယ်။

ကျွန်မတို့ကသာ အဲ့ဒီမသေချာမှုတွေကိုမေ့ပြီး short-term plan တွေ၊ long-term plan တွေဆွဲနေကြတာပါ။ မနက်ဖြန်ဆိုရင် ဘာဖြစ်မှာမှန်းမသိဘဲနဲ့ သိသလိုလိုနဲ့ အစီအစဉ်တွေဆွဲ စိတ်ကူးယဉ်နေကြတာပါ။ ဒါကြောင့် ဘယ်အရာမှ မသေချာဘူးဆိုတဲ့ အချက်ကို လက်ခံနိုင်အောင်ကြိုးစားပါနော်။

✅ Worst-Case Scenario (အဆိုးဆုံး အခြေအနေတွေကို တွေးကြည့်ပါ)

အဆိုးတွေကို ကြိုတွေးတာက မကောင်းတဲ့အရာ ဆိုပေမဲ့ သူ့မှာလည်း ကောင်းတဲ့ အချက်လေးတွေလည်းရှိပါတယ်။

နံပါတ် (၁) အချက်အနေနဲ့ အဆိုးဆုံးအခြေအနေကို ကြိုတွေးထားမိရင် အဲ့လိုဖြစ်မလာအောင် ကြိုတင်ကာကွယ်လို့ရမဲ့ နည်းလမ်းတွေရှာ လာပါလိမ့်မယ်။ ကြိုတင်ကာကွယ်နိုင်ပါလိမ့်မယ်။

နံပါတ် (၂) အချက်အနေနဲ့ တကယ် ကိုယ်တွေးထားသလို အဆိုးဆုံးအခြေအနေတွေ ဖြစ်လာပြီဆိုရင် ခံနိုင်ရည် ရှိနေပါလိမ့်မယ်ရှင်။

✅ Living in the present moment (လက်ရှိ ပစ္စုပ္ပန်မှာပဲ နေထိုင်ပါ)

ဘယ်အရာမှ မသေချာဘူးဆိုတာကို လက်ခံနိုင်သွားပြီဆိုရင် အများကြီး ကြိုတွေးမထားဘဲ လက်ရှိအချိန်မှာပဲ အကောင်းဆုံးဖြစ်အောင်နေထိုင်တတ်လာပါလိမ့်မယ်။

ဒီနေ့မှာပဲ ကိုယ့်အတွက်၊ အများအတွက် အကျိုးရှိမှာတွေ လုပ်ပါ။

ဒီနေ့မှာပဲ ကိုယ့်စိတ်လေး ကြည်လင်အေးချမ်းနေအောင်နေပါ။

ဒီနေ့မှာပဲ ကိုယ်ချစ်ရတဲ့သူတွေကို ပျော်အောင်ထားပါ။

ဒီနေ့မှာပဲ ကိုယ့်အတွက်တိုးတက်စေမဲ့ အရာတွေလုပ်ပါ။

ဒီလို တစ်နေ့စာလေးပဲ အကောင်းဆုံးဖြစ်အောင်နေထိုင်သွားမယ်ဆိုရင် အနာဂတ်အတွက် စိတ်ပူပန်မှုတွေလည်း လျော့ကျ သွားမှာဖြစ်ပါတယ်။

✅ Letting go of what you can't control (ကိုယ်မထိန်းချုပ်နိုင်တဲ့အရာတွေကို လက်လွှတ်လိုက်ပါ)

ကျွန်မတို့ ကြိုးစားပြီး ထိန်းချုပ်နိုင်တာဆိုလို့ ကျွန်မတို့ရဲ့ စိတ်ပဲရှိပါတယ်။ ကျွန်မတို့ ခန္ဓာကိုယ်ကြီးကိုတောင်မှ မအိုဖို့၊ မနာဖို့၊ မဖျားဖို့ ကျွန်မတို့ ထိန်းချုပ်နိုင်တာမှ မဟုတ်တာ ရာသီဥတု၊ ကမ္ဘာ့အရေး၊ နိုင်ငံအရေး၊ မိသားစု ဘယ်အရာကိုမှ ကျွန်မတို့ ဖြစ်ချင်သလို မထိန်းချုပ်နိုင်ပါဘူး။

ဒီနေ့ပူမှာလား၊ အေးမှာလား ကျွန်မတို့ ဖန်တီးလို့ မရပါဘူး။ ပူမှာကို တွေးစိတ်ညစ်နေမှာထက်စာရင် ရာသီဥတု ပူရင် ဘယ်လို အပူသက်သာအောင်နေမလဲဆိုတဲ့ ကျွန်မတို့ ထိန်းချုပ်လို့ရတဲ့ ကျွန်မတို့ရဲ့ အတွေးနဲ့ လုပ်ရပ်ကို ပြောင်းတာက ပိုပြီး လက်တွေ့ကျပါတယ်။ ကိုယ့်စိတ်ကို ထိန်းချုပ်နိုင်ဖို့အတွက် တတ်နိုင်သမျှ mindfulness လေးနဲ့ သတိကပ်တဲ့ အလေ့အကျင့်လေး လုပ်ကြည့်ပါနော်။

ဒါဆိုရင်တော့ မသေချာ၊ မရေရာမှုတွေကြားမှာ အကောင်းဆုံး ရှင်သန်ရပ်တည်နိုင်ကြဖို့ မျှော်လင့်မိပါတယ်ရှင်။




Credit post

31/10/2025

ဒါလေးတွေရှောင်ရမယ်နော် 💪

30/10/2025