27/11/2024
هههههههه و الله حتى مضحك
الميرسيديس ميتين و ربعين هي السيارة لي ندمات لالمان تا خرجاتها للوجود. كون زعما عرفو المغاربة غادي يرجعوها طاكسي يهزو بيها ستة البلايص + الشيفور !! حق رب تا يديرو بناقص لهلا يركب شي بوگرن گاع ...
هذا لي صنعها ماكانش كيتصور بتاتا ان الكوسان القدامي غادي يركبو فيه جوج دالناس ههه
الشيفور ملي كيبغي يدوز كطريام كيقول ليك عفاك واش واخا تكحاز شوية ندوز الڤيتاس، هادشي لا كنتو بجوجكم لي راكبين لقدام طاي سليم، اما لا كانتو إكس لارج الشيفور كيدير بناقص من داك كاطريام گاع، كيديكوم غا بالدوزيام و الله يرزق غا صحة و السلامة ..
كاين واحد النوع تاع الناس كيخلص جوج بلايص لقدام باش يمشي مرتاح و كيحس براسو دار شي إنجاز عظيم، ملي كيركب مرا مرا كيبقى يضرب عليكم فالروطروڤيزور نتوما لي لور و كتبانو ليه معصوووورين كيفقصكم و كيخرج يدو من الشرجم، نتوما ديك الألة باش كيهبط الزاج اصلا مكيناش عندكم اللور، كتمد ليها يديك كتلقى غا واحد الڤيس خارج من تما شاهد على العصر، كيقول ليك زعمة راه كاان لپواني هنا ولكن رجاء فالله ..
و اصلا ميمكنش تركبو بربعة بيكوم اللور فضروري واحد فيكوم كيتطوع و كخرج من وسطكم باش تكفاكم ديك الدبابة، ومع ذلك كتمشي الطريق كاملة ونتا عوج من صبعك الصغير تاع رجليك تال وذنيك، المعي الغليض ديالك مزدي مع البنكرياس تاع هداك لي حداك، بعض المرات بقوة الإنسجام لي بيناتكم كتحس بالرية تاعو فاش كتنفخ و كتعاود تفش، تقد گاع تعبر ليه نبضات القلب ماشي مشكل، المهم هو انك نتا وياه كتندامجو و كتوليو إثنان في واحد ..
كتهبطو بجوجكوم فيكوم لكلاكاج حيتاش رجليك اصلا مكانتش ديالك فاش كنتي راكب, فضروري ملي تهبط تدير التسخينات باش ترجع فيها الروح. هادشي فالبرد اما فالصيف ههههههه كيتزاد واحد عامل أخر مع الصهد و الحرارة و كتطلعو لطاكسي مزموت و الپواني مكاينش باش تهبط الزاج وكل واحد فيكوم كيطلق الويفي ديالو, كتكونكطاو كاملين فالهواء كتهبط فاقد حاسة الشم الا مافقدتيش تا البصر ..😂😂😂😂
منقول
