20/03/2026
ငါတို့မှာ ခရီးစဉ်တကြောင်းစာဆွဲနိုင်ဖို့ ဆီငါးထောင်ဖိုးလေးရဖို့ကို မနက်အစောကြီးထပြီး နေပူကြဲတဲထဲ တန်းစီရတဲ့ ဘဝတွေကတော့ ငတ်လာတာပေါ့ကွာ။
မွန်ပြည်နယ်တွင် စက်သုံးဆီတန်းစီဝယ်ယူပြီး ပြန်လည်ရောင်းချနေသည့်မော်တော်ယာဥ်များ တစ်ရက် ကျပ်တစ်သိန်းခန့်အမြတ်ရရှိနေ
ရာမညအသံ မတ် ၂၀ ၊ ၂၀၂၆ ။
မွန်ပြည်နယ်အတွင်းရှိစက်သုံးဆီအရောင်းဆိုင်များတွင် မော်တော်ယာဥ်တစ်စီး တရက် ၄ သောင်းကျပ်ဖိုး ခွဲတမ်းဖြင့်ရောင်းချပေးလျှက်ရှိရာ စက်သုံးဆီတန်းစီဝယ်ယူပြီး ပြန်လည်ရောင်းချနေသည့်မော်တော်ယာဥ်များ တစ်ရက် ကျပ်တစ်သိန်းခန့်အမြတ်ရရှိနေသည်ဟု ပြန်လည်ရောင်းချသူများထံမှသိရှိရသည်။
ဆီဆိုင်က ထုတ်စျေးထက်ပြန်ရောင်းရင် ၂ ဆလောက်ရတယ် ၅ သောင်းရင်းရင် အမြတ် ၁ သိန်းလောက်ရတယ် ဟု ဆီတန်းစီထုတ်ရောင်းနေသည့် မော်တော်ယာဥ်ပိုင်ရှင်တစ်ဦးကဆိုသည်။
တစ်ခါတလေကြရင် တစ်ရက် ၂ ခါလောက်ထည့်ခွင့်ရရင် တစ်ရက် ၂ သိန်းလောက်ကျန်တာပေါ့ဟု ၎င်းကဆက်လက်ပြောကြားသည်။
ယနေ့ မတ် ၂၀ ရက်နေ့ မွန်ပြည်နယ်အတွင်းစက်သုံးဆီတရားဝင်သတ်မှတ်စျေးမှာ 92 တစ်လီတာ ၃၇၆၅ ကျပ်ဝန်းကျင်ဖြစ်ပြီး ဆီတန်းစီထုတ်ယူပြီးပြန်လည်ရောင်းချပါက 92 တစ်လီတာ ၁ သောင်းကျပ်ဝန်းကျင်ခန့်ရရှိသည်ဟု စုံစမ်းသိရှိရသည်။
တရားဝင်စက်သုံးဆီအရောင်းဆိုင်တွေက ပုံးနဲ့မရောင်းပေးဘူးလေ မီးကမမှန်တော့ မီးစက်သုံးရတယ် ပြန်ရောင်းတဲ့သူတွေဆီကပဲပြန်ဝယ်သုံးနေရတယ် ဒီနေ့ဆို ( မတ် ၂၀ ) 92 တစ်လီတာ တစ်သောင်းသုံးထောင်ပေးပြီးဝယ်ခဲ့ရတယ် ဟု မော်လမြိုင်ရှိအိမ်တွင်းစက်မှုလက်မှုလုပ်ငန်းလုပ်ကိုင်နေသူတစ်ဦးကပြောသည်။
ပြန်လည်ရောင်းချရန်အတွက်ဟုဆိုကာ စက်သုံးဆီအရောင်းဆိုင်များတွင် မော်တော်ဆိုင်၊ ၃ ဘီးအိုးဝေ နှင့် မော်တော်ယာဥ်တစမချို့တန်းစီဝယ်ယူရန်စောင့်ဆိုင်းလျှက်ရှိသည်ကိုတွေ့ရှိရသည်။
ရာမညအသံ
၂၀၊၃၊၂၀၂၆။
